شباب سعودي متخلف !!!
>> الاثنين، 20 أكتوبر، 2008
هل فعلا هالشاب متخلف ؟؟ ام انه محافظ جداً ؟
من وجهة نظري ..الشي اذا زاد عن حده انقلب ضده .. يمكن يكون هو شاب محافظ بس بزياده
واللي أثار غضبي في الموضوع كله .. لما قال (اختي عاري) !!
الانثى كانت عار في زمن الجاهلية .. بس الظاهر للحين هي عار عند بعض القبائل ..
هذه هي وجهة نظري.. فماذا عنكم ؟
9 التعليقات:
الحمد لله انه مو اخوي
ولا كان ارتكبت فيه جريمة
وصرت ارهابية لوووووول
اقول يالدوسري
ردك هذا دليل على انك مو بس متخلف
الا التخلف ياخذ تخلف منك فيه اسلوب للحوار .. بس الظاهر انت ماعندك حيله الا السب والشتم .. لان مخك صغير ومايقدر على الحوار والمناقشه
انا ماقلت شي غلط .. ولو انت قاري كلامي عدل كان بتعرف اني ماقلت شي غلط
واساسا العنوان مو من تأليفي .. انا حصلته في النت بهذا العنوان .. وطالما انك ريال كفو وعندك اسلوب رائع ومقنع في الكلام .. تشطر على اللي كاتب العنوان في يوتيوب مو جاي تفرد عضلاتك علي
وعلى فكرة .. ترى انا اعرف ارد عليك بنفس متسواك الفكري المنحط .. بس الصراحه ماقدر انزل من مستواي لمستواك
بالتوفيق أختي
ولكن من الأفضل عدم إثارة البلبة نحو هذه المواضيع ,
عندنا في السعودية الأمة الوسطية , أما هؤلاء قد تمادوا قليلا , لكن عندنا , المرأة هي من تحكم نفسها وليس أهلها , هي من تريد أن تجلس في يبتها مصونة , ولكن لا ما نع في خروجها محتشمة , تكسوها عباءة ساترة لجميع جسدها , وقبل أن تحفظ نفسها بالعباءة تحفظ نفسها بأخلاقها ,,
شكرا :)
ابن حجر
اتفق معك في كل كلمة قلتها
بالفعل المرأة هي من تحفظ نفسها وليس اهلها لان بإمكانها ان تفل ماتريد بدون علم اهلها
شكرا لك على هذا التعقيب الرائع
دمت كما تحب
ما يحق لك يحق لغيرك ...
وإذا كانت التربية صالحة لايشوبها شيء فلن تتأثر بأي من العوامل الخارجية
وإجابة على سؤالك
هذا الشب متعصب إلى حد يجعله متخلف !
ودمتم عقلاء
لا تعليييييييييييييق
هذا الشخص حقير و تافه ولا يعرف كلمة الانسانية ومسوي فيها يخاف على اخته و ساترها
والله يستر على اخته ممكن تنحرف بسبب تفكيره المتحجر والله يعينه على نفسه ويعين اهله عليه (اذا مو أهله زيه)
الله يحرق التفكير الجاهلي
هو يروح الأسواق و يشوف العالم "أقصد بنات الناس" بس حرام أخته تشوف العالم
تسلمي على الموضوع وعلى لقطة الفيديو المبكية من جد
أخوكي almanga_alraega
من adslgate
تحياتي
الفاضل Mody
اسعدني تشريفك للمدونة :)
بالنسبة لـ (مايحق لك يحق لغيرك ) فهي للاسف غير موجوده في مجتمعاتنا
فالكثير من الاشخاص يرى ان له الحق في فعل امر ما .. بينما لو فعله شخص آخر يستنكر فعلته ويذمها ..
شكرا لك على التعليق
اخوي almanga_alraega
شي حلو ان الاهل يحافظون على بناتهم
بس مو لدرجة حبسها بالبيت وماتطلع للاسواق او الحدائق
لان مثل ما يقولون الضغط يولد الانفجار
هههههههههههه ضحكتني لما قلت (الله يحرق التفكير الجاهلي )
للأسف يحللون لانفسهم ويحرمون لغيرهم
ومشكور على المرور والتعليق
تحياتي لك
إرسال تعليق